Our Recent Posts

Tags

No tags yet.

نصائح للتشطيب من هومى

ده ليك Blog لو أنت عريس جديد و بتشطب عش الزوجيه يبقي ال هو طويل حبيتين بس فيه الخلاصه 😂😂 أنهارده هنتكلم عن مشكله بتقابلنا في التشطيب و هي مشاكل البورسلين البورسلين زي أي ماتريال في الدنيا بتتمدد و بتنكمش بفعل الحرارة 💥 و الرطوبه☔.. فمشكلة فرقعة و طقطة البروسلين بقى بتحصل لما يكون راكب بنفس طريقة السيراميك بحيث مايكونش بينه و بين بعضه فيه أي عراميس أو لحامات و اللي بنسميه بورسلين قطع ليزر.. طبعاً شكله بيكون جميل 😍😂 بس مع تمدد البورسلين في الصيف البلاطه عاوزة تتمدد .. و نتيجه ضغط البلاطات على بعضها فبتبدأ بعض البلاطات تفك من المونه بتاعتها و تسيب الأرض..😈 بيساعد على كده كمان إن البورسلين ضهره بيكون ناعم مقارنةً بالسيراميك و عشان كده بيفك من المونه بسهوله.. المشكله دي بتظهر أكتر كمان في البورسلين الصيني تحديداً و بالذات في المقاسات الكبيرة منه لأن معامل التمدد الحراري ليه بيكون كبير فبيتمدد أكتر مع تغير درجات الحرارة طب عشان المشكله دي ماتحصلش.. نعمل إيه؟ عشان نمنع إن المشكله دي تحصل.. قدامنا خطوتين.. 📐الأولى إننا نسيب مسافات 1 مم بين البورسلين و بعضه عشان نسمح للبورسلين إنه يتمدد براحته من غير مايفك.. 📐والتانيه هي إننا نزود قوى التماسك بين البورسلين و المونه اللي تحته و ده عشان نعمله بنستخدم مواد اللصق الجاهزة من شركات الكيماويات بنحطها على ضهر البلاطات و بنرش ضهر البلاطات بشويه رمل عشان يبقى خشن مش ناعم و نسيبها تنشف لمدة يوم كامل... و أثناء التركيب لازم نزود محتوى الأسمنت في المونه عن المعتاد و كمان بنحط إضافه على المونه زى الأديبوند عشان التماسك و الديمومة ... و هل المشكله دي لو حصلت فعلاً و البورسلين بدأ يفك من الأرض ليها علاج و لا لأ..؟ للأسف 😞 دي من المشاكل اللي حلها مش دايماً بينجح بس فيه طريقه بتتعمل بنحاول بيها ننقذ ما يمكن إنقاذه و هي إننا بنفتح أماكن معينه بين بعض البلاطات بالصاروخ و بنحقن منها لباني أسمنت مضاف إليه أديبوند و طبعاً نتائجها مش دايماً بتنجح المشكله إن أغلب الصنايعيه و بعض المهندسين بيكونوا مش عارفين الطريقه الصح لتركيب البورسلين و بيركبوه بالطريقه العاديه بالمونه زي السيراميك #تشطيبك_من_الأبره_للصاروخ #homey_and_beyond #ديكور #ثلاثى_الأبعاد #اثاث